Почина Вања Георгиевски – Американецот

На 58 годишна возраст во Битола почина Вања Георгиевски, битолски, градски урбан лик, човек кој битолчани ќе го паметат како позитивен лик, кој неизмерно го сакаше Пелистер, во сите спортови и човек кој беше линкот на Битола со сите филмски екипи кои снимаа во Битола. 

-Вања, навиваше многу пред нас, знаеја да кажат основачите на “Чкембарите“.

Го почитуваа сите генерации на навивачи. Вања беше присутен и ги бодреше ракометарите на Пелистер и македонската репрезентација на скоро сите гостувања. “Чкембарите“ уште долго ќе ги раскажауваат неговите случки и анегдоти од гостувањата во Полска, Германија, Данска, Шпанија… 

Последните десетина година Вања беше дел од сите фимски екипи кои работеа во Битола и околината. Вања беше менаџер за локации, но на гостите, филсмки работници им помагаше во организацијата, одбирање на статистите, кетерингот, набавка на опрема и материјали. Негов последен филмски ангажман беше снимањето на Францускиот филм во клиничката болница.

Извор: bitolanews

Leave a Reply

Your email address will not be published. Required fields are marked *